مایمۆ

لە چاوگ
پێداچوونەوی ‏٠٠:٢٢، ٢٠ی ئابی ٢٠١٠ لە لایەن Tekosher (لێدوان | بەشدارییەکان)
(جیاوازی) →پیاچوونەوەی کۆنتر | پێداچوونەوەی ئێستا (جیاوازی) | پێداچوونەوەی نوێتر← (جیاوازی)
The printable version is no longer supported and may have rendering errors. Please update your browser bookmarks and please use the default browser print function instead.
لۆگۆی مایمۆ

مایمۆ سیستەمێکی کارگێڕیی سەرچاوە کراوە و دەبەشکردنێکی لینوکسە لەسەر بنەمای دێبیان بۆ مۆبایل و ئامێرەکانی Internet Tablet لەلایەن نۆکیاوە پەرەپێدەدرا.

لە سەرەتاوە مایمۆ تەنها سیستێمێک بوو بۆ Internet Tabletەکان و تەنها لەسەر چەند ئامێرێکی وەک Nokia 770, Nokia N800, Nokia N810. ساڵی ٢٠٠٩ مایمۆ ٥ وەشێندرا. لەم وەشانەدا سیستەمەکە دەتوانرا وەک مۆبایل بەکاربهێنرێت. Nokia N900 لە تشرینی دووەمی ٢٠٠٩ بەو سیستەمەوە بڵاوکرایەوە کە پێشوازییەکی زۆری لێکرا. مایمۆ توانای ئەنجامدانی فەرمانەکانی هەیە لە ئاستی کۆمپیوتەردا و یەکەم سیستەمی کارگێڕی مۆبایل بوو کە توانای لێدانی ڤیدیۆی فلاشی هەبوو و پاڵپشتی لە فلاش ٩.٤ دەکرد. مایمۆ وێبگەڕی فایەرفۆکسی مۆبایل، Fennecی لەسەرە، کە هەمان توانای وێبگەڕەکانی کۆمپیوتەری هەیە.

دیمەنی مایمۆ ٥

بە پێچەوانەی سیمبیانەوە، مایمۆ ڕێ بە بەکارهێنەر ئەدات کە دەسەڵاتی ڕەگی هەبێت لەسەر سیستەمەکە. مایمۆ ئەتوانرێت بەتەواوی لەسەر ئامێرەکە لاببرێت و سیستەمێکی تر بخرێتە جێگەی. پێویست ناکات ئەو پڕۆگرامانەی بۆ سیستەمەکە دروست دەکرێن لەلایەن نۆکیاوە پەسەند بکرێن (Signed).

لە کۆنگرەی جیهانیی مۆبایلی ٢٠١٠ لە بەرسەلۆنا نۆکیا و ئینتێل ئاشکرایان کرد کە هەردوو سیستەمی مایمۆ و مۆبلین یەک دەگرن و سیستەمی میگۆ پێک دەهێنن.

سەرچاوەکان

  1. Quezi
  2. Wikipedia