ئۆپرا مینی

Share/Save/Bookmark
Opera Mini 5 Beta لەسەر سیستەمی Symbian 9.3

Opera Mini وێبگەڕێکی مۆبایلە. لەسەر مۆبایلەکانی iPhone و BlackBerry و هەموو ئەو مۆبایلانە دەکات کە توانای کارپێکردنی پڕۆگرامەکانی J2ME ـیان هەیە. یەکەم وەشانی Opera Mini لە تشرینی یەکەمی ساڵی ٢٠٠٥ وەشێندرا. ئێستا زیاد لە ٥٠ ملیۆن مۆبایل بە ئۆپرا مینییەوە بڵاو دەکرێنەوە. لە تشرینی دووەمی ٢٠٠٨ و دوای سێ ساڵ تەمەنی، زیاد لە ٢٠ ملیۆن بەکارهێنەری هەبوو و ئێستاش بەپێی ماڵپەڕی statcounter.com %٢٥ی بازاری وێبگەڕی مۆبایلی داگیر کردووە.

لە ساڵی ٢٠٠٩ ئۆپرا مینی وەشانێکی ڕەوانەی AppStore کرد بەڵام ئەپڵ بە بیانووی دووبارەیی کاری ئۆپرا مینی و بوونی وێبگەڕی سافاری لە ئایفۆن، ئۆپرا مینی ڕەدکرایەوە. مانگی ئازاری ٢٠١٠ ئەپڵ وەشانی ٥ی ئۆپرا مینیی ڕەوانەی AppStore کردەوە. ئەمجارەیان ١٢ی نیسانی ٢٠١٠ ئەپڵ داواکەی پەسەند کرد و ئێستا ئۆپرا مینی لەسەر سیستەمی کارگێڕیی ئایفۆن ئامادەیە بۆ داگرتن.

وەشانی شەشەمی ئۆپرا مینی لە ٢٢ی ئازاری ٢٠١١ بڵاوکرایەوە بۆ هەرسێ سیستەمی کارگێڕی سیمبیان، بلاکبێری لەگەڵ J2ME. ئەم وەشانە هاوکات بوو لەگەڵ وەشانی Opera Mobile 11.

ئامارەکان

  • ئامارە گشتییەکان
    • بە هۆی پەستاندن و کەمکردنەوەی داتاکانەوە بە ڕێژەی %٩٠ و ڕەوانەکردنیان لە ڕاژەکانی ئۆپراوە، ساڵانە ٨,١ بلیۆن دۆلار بۆ هەموو بەکارهێنەرانی ئەگێڕێتەوە.
  • ئەیلوولی ٢٠٠٩
    • بە تێکڕایی زیاد لە ٥٠٠ بلیۆن پەڕە لە ڕۆژێکدا، و زیاتر لە ٢ پێتابایت دراوە لەسەر ڕاژەکانی ئۆپرا ئاڵوگۆڕ کراوە.
    • لەم مانگەدا ٣٥,٦ ملیۆن بەکارهێنەری هەبوو، و %١١,٥ زیادی کردووە لەچاو مانگی ئابی هەمان ساڵ و زیاتر %١٥٠ بە بەراورد لەگەڵ ئەیلوولی ٢٠٠٨.
    • نزیکەی ١٥ بلیۆن پەڕە بینراوە لە لایەن بەکارهێنەرانەوە. %٧,٢ زیادی کردووە بە بەراورد لەگەڵ مانگی ئابی ٢٠٠٩ و %٢٣٠ ـیش بە بەراورد لەگەڵ ئەیلوولی ٢٠٠٨.
    • بەکارهێنەران نزیکەی ٢٢٧ ملیۆن مێگابایت (٢٢١٦٨٠ گێگابایت) یان بەکارهێناوە لە سەرتاسەری جیهان. %٨,٧ زیادی کردووە لە مانگی ئابەوە و %٢٢٤ ـیش لە مانگی ئەیلوولی ٢٠٠٨.

سەرچاوەکان

  1. ئۆپرا:باری وێبی مۆبایل، نیو بلیۆن پەڕە هەڵدانەوە بۆ هەر ڕۆژێک
  2. ئۆپرا: ئۆپرا ساڵانە ٨,١ بلیۆن دۆلار بۆ بەکارهێنەرانی ئەگێڕێتەوە
  3. پەسەندکرا، ئۆپرا