سەرەتا وتار دەسەڵاتی بەرنامەکان لە مۆبایەلە زیرەکەکاندا و پرۆگرامی FaceApp

دەسەڵاتی بەرنامەکان لە مۆبایەلە زیرەکەکاندا و پرۆگرامی FaceApp

لەلایەن Daban Abbas

لە وەشانی شەشی ئەندرۆیدەوە بەکارهێنەر ئازادە لە پێدان و پێنەدانی دەستگەشتن بە هەربەشێکی مۆبایلەکەی. هەر بەرنامەیەک کە یەکەم جار ئەی کەیتەوە پرسیاری ئەوەت لێ ئەکرێت ئەتەوێت مافی دەستگەشتن بەم بەرنامەیە بەیت بۆ بەکارهێنانی ئەم بەشانەی مۆبایلەکەت. ئەگەر مەسنجەری فەیسبووک دامەزرێنیت کۆمەلێکی زۆر داواکاری دەستگەشتن لێ ئەکات، بەڵام کاتێک ڕێگای پێنادەیت مایک و کامێرا بەکاربێنێت ئەوا ناتوانیت پەیوەندی ڤیدیۆیی بەکاربێنیت. ئەوەی کە ئەو کۆمپانیایانە ئەتوانن زانیاریەکانت بەرن بەڵێ بەدڵنیایەوە، بەڵام بەوجۆرە نییە کەبۆ تۆ دانیشتبن بە تەنها زۆربەی ئەوانە میتاداتا بەکار ئەهێنن بۆ بردنی زانیاری پوخت و کەم کە لەکاتێکی کەیا باسی ئەکەین. ئەوەی لێرەدا مەبەستمە ئەوەیە تۆ ئەگەر پرۆگرامێک جێگای متمانەت نییە ئەوە دەسەڵاتی مەیەرێ بۆ هەنێک بەشی هەستیاری مۆبایەلەکەت. ئەتوانیت بەرنامەکە بەکاربێنیت، بەڵام ئەو بەشانەی بەرنامەکە دەستی پێڕاناگات ناتوانیت بەکاربەریت.
permission: دەسەڵاتی بەکارهێنانی رەقەکاڵا یان نەرمەکاڵای مۆبایلە لە لایەن بەرنامەیەکەوە بەمەبەستی ئەنجامدانی کارێک، وەک ئەنجامدانی پەیوەندی دەنگی کە پێویستی بە بەکارهێنانی دەسەڵاتی تۆمارکردنی دەنگ  و کردنەوەی مایکە.
پرۆگرامی FaceApp : ئەمە ئەو بەرنامەییە کە چەندرۆژێکە زۆر بڵاو بۆتەوە بەتایبەت لە کوردستان دەستکاری کەری وێنەیە ئەوەی زیاتر سەرنجی خەڵک ڕائەکێشێت ئامرازی پیرکردنە.
لەلایەن کەسێکەوە بابەتێک نوسراوە لەسەر ئەم پرۆگرامە کە بەشێکی زۆر لە پەیجەکان بێئەوەی بزانن تاچەند ڕاستە بڵاوی ئەکەنەوە. ئەم پرۆگرامە دوو دەسەڵاتی سەرکی پێویستە کە کامێرا و ئەلبومی وێنەیە ئەتوانیت تەنها یەک دەسڵاتیانی بەیتێ، مەبەستەکەش زۆر ڕوونە و پێویستە بۆ هێنانی وێنەکەت بۆ ناو بەرنامەکە دەسەڵاتی گەشتن بە ئەلبومی وێنەکانی بەیتێ! ئەگەر ئەو دەسەڵاتەی نەبێت ئەی چۆن وێنەکەت بهێنێت بۆ ناو بەرنامەکە؟!
دەسەڵاتەکانی کە سەرجەمیان گتشگیرن و هەموو بەرنامەیەک کە پەیوەندی بە ئینتەرنێتەوە بگرێت ئەو دەسەڵاتانەی هەیە، وەک بەکارهێنان و دەسکاری کردنی ڕایەڵە.
هۆکاری ئەوەش ڕونە بەمەبەستی ئەنجامدانی ڕیکلام لەسەر بەرنامەکە یان بەشکردن بۆ فەیسبووک (share). سەرجەم دەسەڵاتەکانی کە پەیوەستە بە کڕینەوە لەناو بەرنامەکەدا کە ئەتوانیت فیلتەری زیاتر بکڕیت. دەسەڵاتی دەستکاری و نووسین لەسەر بیرگەی هەمیشەیی دەرەکی و ناوەکی دیسان پەیوەستە بە هێنانی وێنە بۆ ناو بەرنامەکە لە ئەلبوومی وێنەکانتەوە.
لەڕاستیدا ئەم بەرنامەیە کەمترین دەسەڵاتی هەیە بە بەراورد بە بەرنامەیەکی وەک مەسنجەر یان فەیسبووک، لەکاتێکا کە زۆرترین سکانداڵی بردنی زانیاری بەکارهێنەران لەسەر فەیسبووکە کەچی لە ناوفەیسبووکەوە بابەتی نازانستی و هەڵە لەسەر بەرنامەیەکی کە بڵاو ئەکرێتەوە کە گوایە زانیاری ئەبات! چۆن زانرا زانیاری بەکارهێنەر ئەبات؟! ترساندنی خەڵەک بەم جۆرە لەخۆوە باسکردنی IP  وەک ئەوەی تەنها بەرنامە بێت ئەم مافەی هەبێت، سەرجەم بەرنامەکانی کە مافی داواکاری و دەسەڵاتی چەندبەرابەری ئەم بەرنامەیەیان نەبێت.
لە کۆتایدا پێویستە بەکارهێنەر ئەوەندە بزانێت کە بەرنامەیەک بۆ داوای دەسەڵات ئەکات، بەپێی پێویستی دەسەڵاتی باتێ. بەرنامەیەک کە پەیوەندی دەنگی پێناکرێت نابێت داوای مایک و لیستەی ژمارەکانت بکات. تۆ یان ئەو مافەی مەدەرێ یان لێی دوربکەوەرەوە.

ڕەنگە ئەمانەشت بەدڵبێت

پەیامێک جێ بهێڵە

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.