سەرەتا هەواڵ گوگڵ ستەیدیا

گوگڵ ستەیدیا

لەلایەن Daban Abbas

ستەیدیا دەروازەی گوگڵە بۆ چونە ناو جیهانی یاری، بەڵام تەواو جیاواز لە مایکرۆسۆفت و سۆنی پشت ئەبەستێت بە ڕاژەکارەکانی خۆیان کە تایبەت بۆ ئەو مەبەستە دانراوە.

هەموو ئەو کەسانەی کە لەسەر هێڵ یاریان کردبێت ئەزانن کە گەورەترین کێشە (پینگ)ە بۆ یاری کردن تا زیادبکات کردەکان دەرنگتر بەتۆ ئەگەن کە ئەبێتە هۆی ئەوەی هەم یاریکردنت تووشی پچڕانی کورت بێت، زۆر جاریش لای تۆ دەرنگتر ڕووداوەکان دەرئەکەون، ئەگەر دووکەس تەقە لەیەکتر بکەن لە یاریەکەدا ئەوەی پینگی کەمە کاتی کەمتر پێویستە بۆ لەناوبردنی کەسی دووهەم کە پینگی بەرزە.

گوگڵ وای نیشان ئەدات کە ئەم کێشانەی چارە کردووە، بەدامەزراندنی ڕاژەکار لە زۆربەی جیهاندا و نزیکردنەوەی لە بەکاربەر، هەروەها ڕاستەوخۆ گرێدانی بەکاربەر بە سێرڤەرکانی گوگڵەوە.

لە ئێستادا گوگڵ سەرقاڵی دامەزراندنی ستۆدیۆیەکی تایبەت بەخۆیەتی بۆ درووستکردنی یاری، هەروەها هەریەک لە بزوێنەرەکانی یونتی و ئەنڕیەڵ ئینجن، پشتگیری ئەکەن، بۆ ڕاژەکاریش لینوکسی هەڵبژاردووە.

بۆ بۆ گرافیک کارد لەگەڵ کۆمپانیای AMD ڕێککەوتوون تا چیپێکی(تەڵەزم)ی تایبەتیان بۆ درووستکات بە توانای ١٠.٧ تێرافلۆپ.

بڕیار وایە لەم ساڵدا بڵاو بکرێتەوە و پێ ئەچێت بە بەشداری کردنی مانگانە بێت نەک کڕینی هەریاریەک بە جیا.

سەرنجی خۆم:

پێم وانییە بتوانێت جێگای کۆمپیوتەری تایبەت بە یاریکردن و کونسوڵی تایبەت بەیاری بگرێتەوە. ئەستەمە خاوبونەوە ڕوونەدات لە یاریکردن بەسەرهێڵ، چونکە ئەگەر یاریەکی وەک باتڵفێڵد وەربگرین کە ٦٤ کەس لە دوو تیمی ٣٢ بە ٣٢ یاری ئەکەن، تەواوی نەخشەکە یارای ڕووخاندن و گۆڕان کاری هەیە دەیان تانک و فڕۆکە لە هەمان کات دا چەندین گولە تەقاندن و ڕووخاندن، کارێکی ئەستەمە ڕاژەکار بتوانێت سەرجەم ئەم کارانە بۆ سەرجەم  یاریکەرەکان لە هەمان کاتدا پەخشکاتەوە بێ هیچ خاوبونەوەیەک. لەکاتێکدا ئێستا هەرکەس خاوەنی ڕەقەکاڵای خۆیەتی و کاری ڕاژەکار تەنها پەخشکردنەوە ڕووداوەکانە بەسەر سەرجەم یاریکەرەکاندا بەڵام خاو بوونەوە هەر ڕووئەدات، ئەوانەشی پینگ یان بەرزە دەرنگتر ڕووداوەکانیان پێ ئەگات. بەهەڵبژاردنی لینوکس وەک سێرڤەر هیچ یاریەکی ئێستا کە بۆ ویندۆز بەردەستە لەسەر ئەم سیستمە کار ناکات، بەڵام ئەمە ئەکرێت یارمەتی دەرێکی باش بێت بۆ زۆربوونی ئەویاریانەی لەسەر لینوکس کار دەکەن.
بۆچوونی تۆ چییە؟

ڕەنگە ئەمانەشت بەدڵبێت

3 پەیامەکان

Omer Mustafa ئازار 26, 2019 - 10:30 pm

دەست خۆش

وەڵامدانەوە
Omer Mustafa ئازار 26, 2019 - 10:32 pm

بەپێی بۆ چونەکەت بێت یاری بۆ لینوکس لە زیاد بووندا دەبێت لەمەو دوا

وەڵامدانەوە
DABAN ئازار 27, 2019 - 9:34 pm

بەڵی، منیش لەو ڕوەوە گەشبینم، ئەگەر نا بەگشتی گومانم هەیە.

وەڵامدانەوە

پەیامێک جێ بهێڵە

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.