@font-face

کۆمەڵێک نیشاندانی فۆنتی جودا

فۆنت و وێبگەڕ و بەکارهێنەر

هەندێک جار یان زۆرجار دوودڵ دەبین لەوەی CSS وەکو جێگیر قەڵەم بدەین. ئەمەش دەگەڕێتەوە بۆ ئەو هەموو تێئاخنین و جووڵەیەی کەدەیکات و دەتوانێت بیبەخشێت بە ڕووکارێک. بەڵام هەموو کات دەبێت بڵێین کە باسکردنی ئەم جۆرە تایبەتمەندییە زۆر درەنگە، پاشئەوەی میدیایەکی ئەلیکترۆنی کوردیمان هەیە هەریەکە ڕێسایەک و جۆرە ئارەزوویەکت تاکەکەسی خۆی دەسەپێنێت بەسەر خوێنەردا. لە زۆر ماڵپەڕدا فۆنتگەلێک بەکاردەبرێن ئەکرێت/ئەشێت خاوەنەکەی یان ڕاژەخوازەکە هەرنەیبێت و دەستینەکەوێت. ئەمەش تائەندازەیەک ڕێگەدراوە، بەڵام نابێت ئەوەی لەبیربچێت کە لە هەڵبژاردنەکانی دوای خۆیدا فۆنتێک بهێڵێتەوە نەک بۆ سیستەمەکە بەڵکو بۆ بنەڕەتی وێبگەڕەکەش ئاسان بێت.

فۆنتی کوردی

ئەم جۆرانەن زۆرتر کەلە لایەن KIG ڕاژەدەکرێن، بەناوبانگترینیان بۆ وێب Unikurd Web ــه. ئەمە خۆی جۆرایەتییەکی جوانە بەشێوەنوسنی کوردی ئارامی (ڕاست بۆ چەپ)، بەڵام هەمان کات لەقەبارەی خاڵ و وێنەخاڵدا کێشەگەلێکی لەگەڵدا هەیە.

• مەرجە هەرچی کون کەلەبەرە فۆنی یونیکورد وێب بن؟
  • نەخێر، دەکرێت سوود لە فۆنتانەی تریش وەربگریت کە دەتوانن بۆ نوسنی کوردی بێکێشە بن. ئەمە بۆخۆی جۆرایەتی و جوانییەکی تر دەدات بەڕووکارەکە.

کورت و پوخت

دەمەوێت بڵێم وێبداڕێژەر دەتوانێت فۆنتگەلێک لەسەر ڕاژەکەی ماڵپەڕەکەوە بە ڕاژەخوازەکە بناسێنێت کە وێبگەڕەکەی بەکارهێنەرە، بەبێ ئەوەی لەسەر ڕاژەی بەکارهێنەرەکە هەبێت. لەوانەیە ئەوها ئاڵۆز بێت، بۆیە دەچین نمونە وەردەگرین.

• ماڵپەڕێکم هەیە و دەمەوێت هەموو بەکارهێنەرەکانم لە مۆزەنبیقەوە تاوەکو ئەلاسکا و ژاپۆن بەو فۆنتە بیبین کەدەمەوێت کە DejaVu Sans ــە بەبێ ئەوەی ئەو بەکارهێنەرانە بزانن ئەو فۆنتە چییە و لەسەر بژمێرەکەشیان PC هەرنەبێت.
  • شتی باشە چۆن دەکرێت؟

@font-fac

ئەمە خەسڵەتێکە کەبەم دواییانە بەنزیکەیی لە هەموو وێبگەڕە نوێکان پشتگیری دەکرێت کە لێرەوە دەتوانن بیبینن.

چۆن بەکاری بەرم؟

تۆ بۆ هەر فۆنتێک پێویستت بەناساندنی هەیە و بەسەرچاوەکەشی لەمە بەدواوە هەڵبژاردنێکی ئارەزوومەندانەیە، کەدەکەوێتە سەرئەوەی داڕێژەر چۆنی دەگونجێنێت. لێرەوە دەچینەوە سەر ئەوەی وتبومان نمونەیەک بۆ جۆنییەتی بەکاردبردنی دێنینەوە. ماڵپەڕەکەمان دەمانەوێت بە DejaVu Sans دەربکەوێت هەرچۆنێک بێت. بۆیە ئاوها دەکەین:

@font-face {
font-family: "DejaVu Sans";
src: url("http://chawg.org/dl/font-face/DejaVu-Sans.ttf")
/* yan bem sheweyesh bo PATH tr */
src: url("/usr/share/fonts/truetype/ttf-dejavu/DejaVuSans.ttf") format("opentype");
}

body, html {
	font-family: "DejaVu Sans", Tahoma, Arial, Helvetica;
	font-size: 9pt;
	text-decoration: none;
	font-style: bold;
	text-align: right;
}