تەنخوازی (Object oriented programming)، واتە بەرنامە داڕشتن لە ڕێگەی نواندنی تایبەتمەندییەکانی خودی تەنەکانەوە.
پێشەکی
لە (OOP) دا نووسینی نەرمەواڵە لە ئاڵۆزی پێناسەکردنی دراوەکان دوور دەکەوێتەوە، لە بری ئەوە پۆل (class) هەموو ئەرکێکی ناساندنی دراوەکان لەخۆ دەگرێت، لە پۆلیشدا ڕێگەچارە (method) و تایبەتمەندییەکان (properties) مۆدێلی کارکردن لەگەڵ تەنەکانی ئەم پۆلەدا گەڵاڵە دەکرێت. لەو زمانانەی کە تەنخوازی (OOP) وەکوو بنچینە بۆ داڕشتتنی بەرنامەکان بەکاردەبەن، زمانەکانی (Java, C++, Csharp و هیتر).
لەو سیفاتە نوێیانەی کە تەنخوازی هەڵیگرتوون:
- پێچانەوەی تەنەکان لەگەڵ یەکدا (encapsulation)
- بۆماوەیی لە پۆلە سەرەکییەکان (inheritance)
- پۆلیمۆرفی (polymorphism)
پێچانەوەی تەنەکان لەگەڵ یەکدا
بۆماوەیی لە پۆلە سەرەکییەکان
پۆلیمۆرفی
زمانەکانی تەنخوازی
لە سەرەتای شەستەکاندا (١٩٦٠) تەنخوازی بۆ نواندنی سیستەمەکان پەیڕەوکرا، یەکەم زمانی تەنخوازیش (SIMULA) بوو، لە ساڵی ١٩٧٠ و بەدواوە دامەزراوەی (Xerox) زمانی سمۆڵتۆلکی (Smalltalk) پەرەپێدا، کە هاوشانی تەنخوازی، ناوبه‌ستی نیگاره‌ییی به‌کارهێنه‌ری (GUI) - ڕووکارێکی وێنەسازدراو - پێدروست دەکرا. ئەمڕۆکە چەندین زمانی تەنخوازیمان هەیە.
سەرچاوەکان
- کتێبی (Objektorientierte Programmierung von Bernhard Lahres, Gregor Rayman) - بەشی یەکەم
بەستەری دەرەکی
- وانەکانی ئۆراکل بۆ زمانی جاڤا - Object-Oriented Programming Concepts
- ویکیپیدیا - پەڕتووکی کراوە (Object Oriented Programming)