ئامێری Kindle و کوردی

لە چاوگ
نمونەی کتێبێکی عەرەبی بە شێوەپەڕگەی ئەمازۆن

کۆمەڵێک بەرهەمی کۆمپانیای ئەمازۆنن بۆ خوێندنەوەی پەرتووکی ئەلیکترۆنی Ebook . هەمان شێوەی بەرنامەی تاتەبژمێر و تەلەفۆنی هۆشمەندیش هەیە.لە وەچە نوێکاندا دەتوانێت پەرتووک لە کۆمەڵێک شێوەپەڕگە بخوێنێتەوە. ئەم ئامێرە دەتوانێت پەڕگە ڕیزکراوەکانی خوارەوە وەربگرێت لە ڕێگەی وایەری USB یان لە ڕێگەی ناردن بۆ هەژمارەکەت لە ئەمازۆن. بۆ نمونە من هەژمارێکم هەیە لە ئەمازۆن بە پۆستی ئەلیکترۆنی Nmune@gmail.com کەواتە دەبێت هەژماری وەرگرم لە ئەمازۆن و ئامێرەکە ئەمە بێت Nmune@kindle.com بۆیە دەتوانی لە ڕێگەی نامەی ئاساییەوە پەڕگە و پەرتووکەکان بۆ ئەو ناونیشانە بنێریت و لەوێ بیخوێنیتەوە. هەمان کات دەتوانیت پەرتووکەکان کە لە شێوە پڕگەی ترن بیانکەیت بە شێوەپەڕگەی ئەمازۆن ئەگەر لە شوێنی ناونیشانەکە بنوسی Convert پاش چەند خولەکێک پەرتووکەکەت دەگۆڕێت بۆ شێوەپەڕگەی ئەمازۆن.


Note= تێبینی گرنگ: لە ئێستادا گۆڕینی شێوپەڕگەی بۆ نمونە پەرتووکی کوردی/عەرەبی/فارسی لە شێوەی PDF بۆ شێوەپەڕگەی ئەمازۆن kindle ناکرێت و فۆنتەکان دەشێوێنێت. بەڵام دەتوانیت هەرچی پەرتووکت هەیە بە شێوە پەڕگەی PDF بخوێنیتەوە بێکێشە.

ئەو شێوە پەڕگانەی کە هەنووکە لە لایەن Kindle ــەوە پشتگیری دەکرێت، ئەمانە:

* Word (DOC or DOCX)
* HTML (ZIP, HTM, or HTML)
* MOBI (MOBI)
* ePub (EPUB)
* Rich Text Format (RTF)
* Plain Text (TXT)
* Adobe PDF (PDF)

زۆرکردنی فۆنتی کوردی یان جوانتر بۆ کوردی/عەرەبی

لەم بوخچەیەدا پەڕگەیەک USE_ALT_FONTS بوخچەیەک fonts تێدایە. دەتوانی لێرەوە دایبگریت و ئامێری Kindle ببەستە بە کۆمپیوتەرەکەوە. لە تەنیشت بوخچەی documents ــەوە هەردووکیان دابنێ وەکو وێنەکە.

تۆش ئاوها بوخچە و فۆنتەکان لە تەنیشتەوە ڕیز بکە