ئامێری Kindle و کوردی

Share/Save/Bookmark
نمونەی کتێبێکی عەرەبی بە شێوەپەڕگەی ئەمازۆن

کۆمەڵێک بەرهەمی کۆمپانیای ئەمازۆنن بۆ خوێندنەوەی پەرتووکی ئەلیکترۆنی Ebook . هەمان شێوەی بەرنامەی تاتەبژمێر و تەلەفۆنی هۆشمەندیش هەیە.لە وەچە نوێکاندا دەتوانێت پەرتووک لە کۆمەڵێک شێوەپەڕگە بخوێنێتەوە، هەروەها هەزارەها پەرتووک دەتوانیت لە نێویدا پاشەکەوت بکەیت و هەر لە ڕێگەی ئەمیشەوە پەرتووکی ئەلیکترۆنی لەسەر تۆڕی ئەمازۆن بکڕیت. کە نرخەکەی زۆر هەرزانترە لە پەرتووکی دەستی و پەڕەیی،وە بۆ خوێنەر لە ڕووی دارایی و خێرایی گەشتنەوە، کە چەند چرکەیەکە زۆر سوودمەندە. خوێندکاران دەتوانن وانە و ڕاپۆرتەکانیش بگۆڕنە سەر یەکێ لەو شێوە پەڕگانە و لەوێدا بیخوێننەوە.لە یەک کاتدا بۆ ئامێرەکانی یەکتریی بنێرن، هەرچەند دووری نێوانیان هەبێت. ئەم ئامێرە پاترییەکەی دەتوانێت تاکو مانگێک بەرگە بگرێت.

پەرتووکەکانم بە PDF هەیە و چۆن بیاننێرم بۆ Kindleــەکەم؟

ئەم ئامێرە دەتوانێت پەڕگە ڕیزکراوەکانی خوارەوە وەربگرێت لە ڕێگەی وایەری USB یان لە ڕێگەی ناردن بۆ هەژمارەکەت لە ئەمازۆن. بۆ نمونە من هەژمارێکم هەیە لە ئەمازۆن بە پۆستی ئەلیکترۆنی Nmune@gmail.com کەواتە دەبێت هەژماری وەرگرم لە ئەمازۆن و ئامێرەکە ئەمە بێت Nmune@kindle.com بۆیە دەتوانی لە ڕێگەی نامەی ئاساییەوە پەڕگە و پەرتووکەکان بۆ ئەو ناونیشانە بنێریت و لەوێ بیخوێنیتەوە. هەمان کات دەتوانیت پەرتووکەکان کە لە شێوە پەڕگەی ترن بیانکەیت بە شێوەپەڕگەی ئەمازۆن ئەگەر لە شوێنی ناونیشانەکە بنوسی Convert پاش چەند خولەکێک پەرتووکەکەت دەگۆڕێت بۆ شێوەپەڕگەی ئەمازۆن و وەڵام و بەستەری داگرتن دێتەوە بۆ ئەو ناونیشانەی پێت ناردووە.

Note= تێبینی گرنگ: لە ئێستادا گۆڕینی شێوپەڕگەی بۆ نمونە پەرتووکی کوردی/عەرەبی/فارسی لە شێوەی PDF بۆ شێوەپەڕگەی ئەمازۆن kindle ناکرێت و فۆنتەکان دەشێوێنێت. بەڵام دەتوانیت هەرچی پەرتووکت هەیە بە شێوە پەڕگەی PDF بخوێنیتەوە بێکێشە.

ئەو شێوە پەڕگانەی کە هەنووکە لە لایەن Kindle ــەوە پشتگیری دەکرێت، ئەمانەن:

* Word (DOC or DOCX)
* HTML (ZIP, HTM, or HTML)
* MOBI (MOBI)
* ePub (EPUB)
* Rich Text Format (RTF)
* Plain Text (TXT)
* Adobe PDF (PDF)

لە داهاتوودا پەڕگەی تری بۆ زۆر دەکرێت. چونکە لە یەکم وەچەوە بۆ ئێستا زۆر جیاوازی لە شێوەپەڕگەکان کراوە و هەمیشە باشتر دەکرێت.

زۆرکردنی فۆنتی کوردی یان جوانتر بۆ کوردی/عەرەبی

لەم بوخچەیەدا پەڕگەیەک USE_ALT_FONTS بوخچەیەک fonts تێدایە. دەتوانی لێرەوە دایبگریت و ئامێری Kindle ببەستە بە کۆمپیوتەرەکەوە. لە تەنیشت بوخچەی documents ــەوە هەردووکیان دابنێ وەکو وێنەکە.

تۆش ئاوها بوخچە و فۆنتەکان لە تەنیشتەوە ڕیز بکە

پاشان ئامێرەکەت سەرلەنوێ دابگرسێنەوە Restart بۆ قبوڵکردنی فۆنتە نوێکان کە بریتییە لە فۆنتی Droid Arabic Naskh کە زۆر خۆشترە خوێندنەوەی لە فۆنتە بنەڕەتەکەی خۆی. کە تا ئەندازەیەک نەشیواوە.