Pidgin (پێشتر ناونرابوو Gaim) ڕاژەخوازێکی دەستبەجێی پەیامکردنی فرە-سەکۆیە، بنچینەکراوە لەسەر ژێدەرگەیەک بە ناوی Libpurple. Libpurple پاڵپشتی هەیە بۆ زۆربەی کۆنووسەکانی پەیامکردنی دەستبەجێ. ڕێگا بە بەکارهێنەر دەدات بۆ چوونەژوورە لە خزمەتگوزاری هەمەجۆری جیاواز لە یەک نەرمەکاڵاوە.
ژمارەی بەکارهێنەرانی Pidgin لە ساڵی ٢٠٠٧ بە ٣ ملیۆن بەکارهێنەر خەمڵێندرا. هەردوو Pidgin لەگەڵ libpurple بریتیین لە نەرمەکاڵای خۆڕا. وەشێندراوە لەژێر مەرجەکانی ڕێپێنامەی گشتی GNU.
کۆنووسە پاڵپشتیکراوەکان
ئەو کۆنووسانەی خوارەوە بە فەرمی پاڵپشتی کراون لەلایەن libpurple 2.6.4 ،بەبێ هیچ زیادکراوێک یان پێوەکراوێک.
- Banjor (جێبەجێکراوی Apple لە Zeroconf)
- Gadu-Gadu
- IRC
- Lotus Sametime
- MySpaceIM
- MXit
- خزمەتگوزاری پەیامبەر .NET (بەگشتی ناسراوە بە MSN Messenger یان Windows Live Messenger بەبێ پاڵپشتی ڕەنگاڵە).
- Novell GroupWise
- OSCAR (کە Mac / AIM / ICQ دەگرێتەوە).
- SIMPLE
- SILC
- XMPP (کە Google Talk، LJ Talk ،Gizmo5 ،Facebook Chat...هتد دەگرێتەوە).
- Yahoo (تەنها دەمەتەوێی بنچینەیی و ئاڵوگۆڕی پەڕگە).
- Zephyr
هەندێک لە ڕاژەکانی XMPP گوێزەرەوەکان دەدەن. کە ڕێگا بە بەکارهێنەر دەدات بە گەیشتن بەکاربەری ڕایەڵەکان لەسەر بەکارهێنانی کۆنووسەکانی non-XMPP ،بەبێ پێویستکردن بە دامەزراندن پێوەکراوەکان یان نەرمەکاڵا زیادەکان ،پاڵپشتی Pidgin بۆ XMPP واتە ئەو گوێزەرەوانە دەتوانرێت بەکاربهێنرێن بە پێچەوانەی کۆنووسە پاڵپشتی نەکراوەکان. نەک تەنها کۆنووسەکانی پەیامکردنی دەستبەجێ ،بەڵکو کۆنووسەکانی بەکارهاتوو بۆ SMS(کورتە پەیام) یان پۆستی ئەلیکترۆنی.