ماڵپەڕ و پۆدکاستی چاوگ کێیە؟

ئێمە گرووپێکی ئایتی کوردین لەبواری سەرچاوەکراوەدا، دەمانەوێت پەرە بەوبوارە بدەین. قەوارەی ئێمە لەئاستێکی نەگۆڕدا نییە و هەر ئێمە بین، بەڵکو هەرکەسێک خواستی لەسەرە لەو بوارەدا سوود بگەیەنێت دەتوانێت لەگرووپەکەدا ئەندام بێت و هەمان دەسەڵات و کردەی ئەوانی تری دەبێت. هیچ شێوەیەک بازرگانیکردن بەرامبەر بەو زانیاریایەی لێرەوە دەبەخشرێت و بەرامبەر بەئەندامبوونی لەم گرووپە قەدەغەیە و باسێکی نابەجێیە. پشتگیریی لە چاوگ دەتوانیت مانگانە بە یەک چا ئەندامان داوەت بکەیت لە ڕێگەی patreon.com/chawg، یاخود پشتگیرییەکەت بنێریت لە ڕێگای پەیپاڵەوە

پۆدکاست

چونکە زۆرترین چالاکی لەدنیادا بووە بە دەنگ و ڕەنگ لەپاڵ نوسیندا. بۆیە ئێمەش لۆگۆکەمان گۆڕی بەکاریگەری ئەوەی، کە کەناڵێکی ڕادیۆیی پۆدکاست ــمان هەیە. ئێستا بریتییە لە پیتی چ و بەشی سەرەوەی چوکڵەکەی بووە بە هێمای مایک/مایکرۆفۆن. جا هیوادارین لەوە بچێت، کە خۆمان دەمانەوێت. هەروەها دەتوانن لۆگۆکان و پاشبنەماکان بۆ پەڕە و بەکارهاتنی تر لێرەوە دابگرن. تەنها وریای ئەوەبە لە شتی زیانبەخشدا بەکاری نەبەیت. ئێمەش دڵنیات دەکەینەوە، کە زیانی نییە :). دەتوانن دواهەمین ئەڵقەکانی پۆدکاست لێرەوە بدۆزنەوە، کە لەسەر هەموو ئامێر و سیستەمەکان بە ئەپی جیاوازەوە دەکرێتەوە، گەر کەناڵەکە لەلای خۆت دڵخواز بکەیت.

لۆگۆ و پەیوەندی بە پۆدکاستەوە

بریتییە لە چاوگ و تەنها سێ خاڵی ژێر پیتی چـ گۆڕدراوە بەپارچەیەک لە لۆگۆی سەرچاوەی کراوە. هەڵبژاردنی ئەم خودی وشەی چاوگە وەکو ناوە کوردییەکەی دەگەڕێتەوە بۆ وشەی چاوگی فەرمان لەڕێزماندا. چاوگی فەرمان جێگیرە و دۆخەکەی تەنها دۆخێکی ڕاستەقینەی فەرمانەکەیە لەوەوە فەرمانەکان بۆ کات و کردار سەرچاوە دەگرن. ئێمەش دەمانەوێت ئەو دۆخە دروستەی فەرمانە زانستییەکەبین بۆ ئێمەی کورد و بەتایبەت فێرخوازی ئایتی.

بەچییەوەوە خەریکین

بریتییە لە مەکۆکانی ئێستا لە فەیسبووک و کەناڵی تێلەگرام بۆ پرسیار و پێشنیازەکانتان. بەشی ویکی چاوگ و ئێرە وەکو یەکەم ویکی ئایتی کوردی دەمانەوێت بابەت و زانیارییەکان بە زمانی کوردی پەخش بکەین. لێرەدا بەتایبەت دەمانەوێت سنوور نەبێت لەنێوان کەسی بەخشەر و خوێنەردا، بەرگی هیچ خاوەندارێتیەک نەکرێت بەزانیارییەکاندا. تەنها و تەنها بۆ بەرەوپێشچوونی زمان و زانست بن. هەرکەس دەخوازێت دەتوانێت لەگەڵمان بێت بۆ پێشکەشکردنی پۆدکاست یاخود لە وەرگێڕانەکان و جێگیرکردنی زمانی کوردی لە سیستەم و بەرنامەکان بەهەمان شێوە. پرۆژەکان دەتوانن بەهاوکاری جەنابتان زۆتر، بۆیە وەرە پەیوەندی بکە و لەو شوێنە چالاک و بەڕێوبەر بە، کە خۆت دەیزانی شیاوە.

زۆرترین بابەتە خوێندراوەکان