remastersys

لە چاوگ

دەربارە

هیچ کاتێک بە خەیاڵت داهاتووە کە چۆن تەواوی سیستەمەکەت بخەیتە سەر پەپکەیەکی DVD یان بیکەیت بە پەڕگەیەکی iso بۆ ئەوەی لەکاتی لە دەستچوون، بەهەڵە دەستکاریکردنی پەڕگەکانی سیستەم یان تێکچوونی پەپکەی ڕەق Hard drive بتوانی هەم سیسستەمەکەت وەهەروەها پەڕگە کەسیەکانیشت بگەڕێنیەوە؟ یان هەرگیز ویستووتە کە هەمان ئەو سیستەمەی لەسەر کۆمپیوتەرەکەی تۆ دامەزراوە بۆ هاوڕێکەشت دامەزرێنی، بەهەموو پەڕگەو پرۆگرامەکانی سەری. واتە ڕێک وێنەیەک لەو سیستەمەی تۆ داتمەزراندووە و ڕێکتخستووە ئەوا هاوڕێکەشت هەمان شتی هەبێت؟

بۆ ئەم کارە پرۆگرامی Remastersys ئەو ئەرکەمان بۆ جێبەجێ دەکات لەسەر هەردوو دابەشکراوی Debian و Ubuntu. وە مافی لەبەرگرتنەوەی ئەم پرۆگرامە لەسەر بنەمای GNU GPL Version 2 داڕێژراوە.

دامەزراندن

کاری دامەزراندن لەسەر دابەشکراوی ئوبونتو 11.10 ڕووندەکەینەوە.

سەرتا سەردانی ئەم بەستەرە بکە http://www.remastersys.com/repository/lucid/remastersys_3.0.0-1_all.deb بۆ داگرتنی پەڕگەی remastersys_3.0.0-1_all.deb لە دوای دامەزراندن دوو کرتەی لەسەر بکەو ئینجا Ubuntu Software Center دەکرێتەوەو کرتەی install بکە.

چۆنیەتی کارکردن لەگەڵ Remastersys

دوایی دامەزراندن پرۆگرامەکە لە Application-Administration-Remastersys بکەوە. لە دوای کردنەوە داوای تێپەڕەووشەی root ـت لێ دەکات. پێیبدەو ئینتەربکە. ئینجا زانیاریمان پێدەدا، کەوا گرنگە هەموو پەنجەرە کراوەکانی تری سەر سیستمە دابخەینن وە هەروەها unmount any network shares.

ئەمە ڕووکارەی پرۆگرامەکەیە

لە بەشی Setting ئەوەی گرنگە بیزانی working directory ـیە. ئەو شوێنە هەڵبژێرە کە دەتەوێت پەڕگەی iso ـکەی لێ دروستبکرێت. بەڵام بیرت نەچێت دەبێت سیستەمی پەڕگەکان هی لینوکس بێت.

لێرەدا ئێمە ئەو نموونەیە جێبەجێدەکەین کە دەمانەوێت تەواوی سیستەم بە هەموو پەڕگە و پرۆگرامەکانیەوە بکاتە پەڕگەیەکی iso بۆ ئەوەی بتوانین بیخەینە سەر DVD یەک وەکو Full recovery backup بەکاری بێنین. یانیش ئەگەر حەزت لێبێت بەشیبکەیتەوە لەگەڵ هاوڕێکانت. کە هەموو ئەو ئامادەکاریانەی لەسەر سیستەمەکەی تۆ هەن لەسەر کۆمپیوتەرەکەی ئەوانیش هەبن. بۆ ئەم تایبەتمەندییە هەڵبژاردەی یەکەم کرتە دەکەین. واتە کرتە لەسەر Backup دەکەین. دوایی کرتە کردن زانیاریت پێدەداتەوە کە بەتەمای چیت. ok هەڵبژێرە بۆ ئەوەی کردارەکە بەردەوام بێت. لە بەشی Output دەبینی کە پرۆسەکە چۆن بەڕێوە دەچێت. ئارامت بێت کاتێکی زۆری دەوێ ئەویش دەکەوێتە سەر خێرایی و ژمارەی ئەو پەڕگەو پرۆگرامانەی لەسەر کۆمپیوتەرەکەت هەن. چاوەڕێ بکە هەتا پرۆسەکە بە سەرکەوتووی کۆتایی دێت.

دوای دروستکردنی پەڕگەی iso ـکەت ئەم پەنجەرەیەت پیشاندەدات. کە زانیاریت پێدەدات کە کردارەکە کۆتایی پێهات.
بۆ دڵنیابوون دەتوانی تاقی بکەیتەوە لە VirtualBox.

سەرچاوە

ماڵپەڕی فەرمی